رفقا بالقلوب ياسادة
بقلم د. رانيا فكرى
هى السعادة فى أن يكون معايا فلوس كتير أشترى كل اللى نفسى فيه من موبيل وعربية وشقه وله السعادة فى وجود أشخاص حولينا بتحبنا وبتخاف علينا وتهون علينا الدنيا صعبه ولما نوقع تكون أول أيد تتمد لينا وكل همها أننا نكون بخير ومش عايزه مننا حاجه / طب لو السعادة فى الفلوس ، طب ليه أغلب المشاهير بينتحروا بسبب فشل فى العلاقات العاطفية خسران حبيب؟ رغم أن معاهم فلوس كتير / طب ليه كمان أغلب رجال الاعمال والمشاهير بيكونو دايما متابعين مع دكاترة نفسيين ؟ بالرغم أنهم معاهم فلوس تخليهم مبسوطين ؟
طب ليه كمان الكم الهائل من الطلاقات والخيانات الزوجية اللى بيقينا سمع عنها اليومين دول ، هل السبب فى انهم مش معاهم فلوس ، ولا بسبب خلافات مع الطرف الثانى فى العلاقه
طب ليه بنلاقى رجاله كتير بيجوز بنات صغيره علشان معاهم فلوس وحابين يعيشو شبابنهم تانى طب يعنى ايه؟يعنى محتاجين واحده فى حياتهم تحسسهم بطعم الحياة والحب اللى اتحرمو منهم طول حياتهم . طب لية بنزعل اوى لما حد بنحبه يموت أو نخسره والفلوس مش بتقدر لا تحيى الموتا ولا ترجع شخص بنخسره.
(معنى كدا أن السعادة فى الاشخاص مش فى الفلوس ، حضن حد بيحبك او كلمة حلوه منه أو لمسة أيد أو طبطبه عليك فى وقت زعلك لو حد بيحبك بجد حافظ عليه حبه عامله كويس أسال عليه أهتم بيه
صدقنى لو مش معاك فلوس بردوا هيكون جانبك عارف ليه لان الحب الحقيقى مش بتكرر تانى فى حياتنا وصدقنى لما بتخسر أنسان بتفضل طول عمرك تتدور عليه فى كل حد
بدور عليه فى كل وجه بتقابلها مش بتلاقيه اوع تفتكر ان الفلوس هى اللى بتخلى الكل يحبك
ممكن تشترى العقول بفلوس انما القلوب صعب
المدير لو معندوش قلب رحيم وحكيم واتعامل مع موظفيه بلا رحمه هيكرهه ويشتمو ويدعو عليه كمان، اخيرا
حافظ على حبك اوع تخسره ماتقولش اصلى مش معايا فلوس وتخسره لو اتمسكت بيه حتى لو مش معاك وحسسته بحبك وبتعمل علشان يفضل جانبك هو كمان هيفضل جانبك ومش هيتخلى عنك/ وهيساعدك
رفقا بالقلوب ياسادة
